Madaxweyne ku xigeenka Puntland Gen. Cabdisamad Cali Shire oo gaaray magaalada Taleex

Garoowe:-Madaxweyne ku xigeenka dowladda Puntland, Gen. Cabdisamad Cali  oo hogaaminaya wafti  balaaran oo iskugu jira Waxgarad, Xildhibaano ,Saraakiil Ciidan ayaa gaaray magaalada Taariikhiga ah ee Taleex .Wafdiga Madaxweyne ku xigeenka dowladda Puntland, Gen. Cabdisamad Cali Shire ayaa lagu soo dhaweeyey magaalada Taleex waxaan soo dhaweeyey ,Waxgaradka Taleex iyo dadweynaha ku dhaqan magaalada oo uu madaxweyne ku xigeenku uu gacan qaaday.

Madaxweyne ku xigeen dowladda Puntland Gen. Cabdisamad Cali oo hadal kooban u jeediyey dadweynaha soo dhaweeyey ayaa waxaa uu sheegay in socdaalka safarkiisu uu yimid ka dib markii uu Garaad Saleebaan uu ku baaqay shir ay yeelanayaan beesha Ugaaryahan beeshuna ay aayaheeda uga tashanayaan si loo turxaan bixiyo madmadowga soo kala dhex galay siyaasiyiinta beesha.

Madaxweyne ku xigeenka dowladda Puntland, Gen. Cabdisamad Cali ayaa sheegay in dowladda Puntlland  ay diyaar u tahay wax walba oo wax tar u ah degmada  Taleex uuna inta uu joogo uu kulamo la yeelan doono Issimada , Waxgaradka , siyaasiyiinta iyo qaybaha kale duwan ee bulshada ku nool degmada Taleex.

M_M_Deeq
Halgan.net