Qarax geystay khasaaro kala duwan oo ka dhacay suuqa Bakaaraha

Muqdisho:-Wararka naga soo gaaraya magaalada Muqdisho ayaa sheegaya in goordhow qarax uu ka dhacay gudaha suuqa Bakaaraha gaar ahaan wadada labaad wuxuuna qaraxu ka dhacay meel aan ka fogeyn Shirkada Dahabshiil.

Warar kala duwan ayaa ka soo baxaya qaraxa goordhow ka dhacay agagaarka Shirkada Xawaalada ee Dahabshiil dadka qaar ayaa sheegaya in ilaa afar ruux ay ku dhaawacmeen qaraxa oo uu ku jiro ganacsade caan ka ah suuqa Bakaaraha.

Qaraxan oo aan noociisa la ogeyn ilaa haatan ayaa warar hordhac ah waxay sheegayaan in uu ahaa gaari noociisa uu yahay Marke2 oo lagu xiray walxaha qarxa.

Sarkaal ka tirsan maamulka Degmada Howlwadaag oo la hadlay saxaafada ayaa xaqiijiyey in uu qarax ka dhacay Suuqa Weyn ee Bakaaraha.

Wararkii ugu danbeeyey oo ay heshay Halgan.net ayaa sheegaya in Bam gacmeed lagu tuuray gaari uu watay Ganacsade caan ah oo lagu magacaabo Xuseen Goleey waxaana soo gaaray dhaawac.

A/Cawale
Halgan.net