Wasiirka G/dhiga ee DFS oo kormeer ku tagay gobalka Shabellaha Hoose

Afgooye:-Wasiirka G/dhiga ee DFS C/xakiin Maxamuud Xaaji Fiqi oo ay wehliyaan Xildhibaano iyo Saraakiil sare oo ka tirsan DFS iyo AMISOM ayaa kormeer shalay ku tagay deegaano ka tirsan Shabellaha Hoose.

Wasiirka G/dhiga ee DFS ayaa waxaa kormeerkiisa ku weheliyey Wasiir ku xigeenka wasaarada G/dhiga Axmed Maxamed Nuur,xildhibaano ka tirsan baarlamaanka DFS ,taliyaha ciidamada xooga dalka Jen Daahir Aadan Cilmi (indhaqarshe) iyo Abaanduulaha ciidanka DFS.

Wasiirka G/dhiga ee DFS ayaa gaaray degmada Wanlaweyn ee Gobolka Shabellaha Hoose wuxuuna sheegay in uu u yimid gobalka in uu u guurgalo xaalada ciidanka DFS iyo nabadgalyada wuxuuna ku booriyey ciidanka DFS in ay dhowraan anshaxa ciidanka .

C/xakiin Maxamuud Xaaji Fiqi wasiirka G/dhiga ee DFS ayaa waxaa uu kulan la qaatay maas’uuliinta degmada Wanlaweyn iyo qeybaha bulshada kala duwan wuxuuna ku booriyey in ay ciidanka la shaqeeyaan.

Wasiirka G/dhiga ayaa sheegay in DFS ay ka go,an tahay in ay dalka ka sifeeyaan Al-Shabaab wuxuuna ku goodiyey in howlgalada ciidanka DFS iyo kuwa AMISOM dhawaan dardar la galin doono.

Wasiirka iyo xubnaha la socday ayaa gaaray Garoonkii Balli-Doogle, halkaasoo ah oo ay ciidanka AMISOM iyo kuwa DFS ay ku leeyihiin saldhig ciidan waxaana uu wasiirku warbixino ka dhageystay saraakiisha ciidanka DFS iyo kuwa AMISOM

A/Cawale
Halgan.net