Baarleex iyo Odowaa oo kormeeray xarumaha shirka gobollada dhexe

Cadaado:-Wasiirka arrimaha gudaha ee DFS C/raxmaan Maxamed Xuseen (Odowaa) iyo madaxweynaha maamulka Ximan iyo Xeeb C/laahi Cali Maxamed (Baarleex) ayaa kormeeray maanta xarumaha loogu tala galay qabashada shirka maamul u sameynta gobollada Dhexe.

Wasiirka Arimaha gudaha ee DFS  Cabdiraxmaan Maxamed Xuseen (Odowaa) ayaa sheegay in uu si fiican u socodo diyaar garowga  shirka Maamul u sameynta goballada dhexe wuxuuna u mahad celiyey masuuliinta Maamulka Ximan iyo Xeeb  sida ay ugu diyaar garoobeen marti galinta shirka.

Madaxweynaha maamulka Ximan iyo Xeeb C/laahi  Cali Maxamed (Baarleex) ayaa sheegay in ay wadaan  dadaal badan sidii ay u marti galin lahaayeen shirka Maamul u sameynta gobalada dhexe wuxuuna xusay in ay juhdi badan ku bixiyeen wuxuuna sheegay in shirka uu isbuucaan gudahiisa furmi doono.

A/Cawale
Halgan.net