Imaamkii Masjidka Abuhurayra ee Gaalkacyo oo isagoo Sujuudsan la dhaawacay

Gaalkacyo:-Waxaa dad badan oo Soomaali ah dhagahooda ay ku maqli jireen hebel isagoo masjid ku jira ama u socda ama ka soo baxay ayaa la dilay , Bam ayaa lagu tuuray Masjid, Sheekh salaad tukanaya oo rakcadii 3aad ku dhex jira amniyaadka ururka Al-shabaab ku dhex dileen Masjid dhexdiis sidda ka dhacda masjida Beder ee Garoowe oo Sh Cabduqaadir Nuur Faarax lagu dilay.

Dhacdadaan wax ay ka dhacday magaalada Gaalkacyo gaar ahaan Masjidka Abuhureyra dadkii oo tukanaya ayaa waxaa soo galay dhagarqabe waxaa uu ka soo galay masjidka dhinac Mixraabka oo loogu tala galay in uu ka soo galo Khadiibku dadku waa ay sujuudsan yihiin ka dib waxaa uu soo qaatay dhagaxweyn oo lagu celinayey Al-baabka waxaan uu Madax uga dhuftay Imaamkii dadka tujinayey oo Sujuudsan imaamkii kama kicin meeshii waxaan loola cararay Isbitaalka weyn ee Gaalkacyo haddana lagu dabiibayo.  ninka weerarka u geystay imaamka ayaa hadda ku xiran Saldhiga Booliska ee magaalada Gaalkacyo ee xarunta Gobolka Mudug waxaan ku socda baaritaan.

Wararka ay heshay Halgan.net ilo wareed ku sugan Gaalkacyo ayaa sheegaya in ninka falka waxshnimada ah u geystay Imaamka Masjidka Abuhurayra ee magaalada Gaalkacyo madaxa looga jiray balse waxaa ku socda baaritaano kala duwan.

Allaha caafiyee Imaamka waxaa loo diyaarinayaa Qaliin in lagu sameeyo waxaan caafimaad kiisa la tacaalaya Dhakhaatiirta Isbitaalka magaalada Gaalkacyo ee xarunta Gobolka Mudug.

Magaalada Waqooyiga Gaalkacyo iyo magaalada Boosaaso ayaa waxaa dilal qorshaysan ay amniyaadka ururka Al-shabaab ku dileen haldoorka bulshada oo iskugu jira Aqoon yahano, Nabadoono iyo Ganacsato.

M_M_Deeq
Halgan.net