Ciidammada Daraawiishta Puntland qeybta 60aad ee Gobolka Mudug oo la Tira koobay.[Masawiro]

Gaalkacyo:-Xeryaha Ciidammada ee ku yaala garoonka diyaaradaha C/laahi Yusuf, Xerada Taangiyada iyo madaafiicda ee magalada Gaalkacyo ayaa laga bilaabay Diwaan galinta iyo tirakoobka Ciidammada Daraawiishta ee qeybta 60aad ee Gobolka Mudug.

Xeryahan oo ay ka socdaan diiwaan galinta Ciidammada waxaa booqaday Gudiga dib u habaynta Ciidammada oo uu hoggaaminayo Wasiirka Maaliyadda ahna Gudoomiyaha gudiga Mudane Xasan Shire Cabdi oo ay weheliyaan Taliyaha Ciidanka Daraawishta Puntland S/gaas Yaasin Cumar dheere ,Taliyaha Ciidammada booliska Puntland Gen Cabdi Xasan Xuseen,Taliye ku xigeenka Ciidammada Difaaca Puntland Gen Axmed Cali Salad , Xildhibaan Fu’aad Abshir iyo saraakiil kala duwan oo tirasan Ciidammada Difaaca Puntland.

Wasiirk Maaliyadda dowladda Puntland Mudane xasan Shire Cabdi ayaa ka hadlay wax yaabaha ay ku taamayso Wasaaradda Maaliyaddu.

“Hadii aysan Dawladdu dhaqaale helin ma jireen Amni iyo kaladambayn, midna ogaada Wasaaradda Maaliyaddu waxaa ka go’an in Ciidammada iyo shaqaaluhu helaan xuquuqdooda, dalkana laga shaqeeyo horumarkiisa insha alaah”

Dhanka kale Wasiirka Maaliyadda ayaa waxa uu umahad celiyay Bulshada Puntland ee Cashuurta ku waajibtay bixiya waxana uu sheegay bixinta Cashuuraha in ay qayb wayn ka tahay dowladnimada Puntland.

no images were found

Baahintii

Xafiiska Waciyigalinta iyo Warfaafinta Wasaaradda Maaliyadda Dawladda Puntland