.gif)
Madaxweynaha Jubbaland oo dib ugu soo laabtay Kismaayo.
August 23, 2020 - Written by EditorKismaayo:-Madaxweynaha Dowlada Jubaland Axmed Maxamed Islaam ayaa maanta dib ugu soo laabtay Magaalada Kismaayo ee Caasimada KMG ah ee Jubbaland.
Madaxweynaha ayaa maalmahii lasoo dhaafay waxaa uu safar Caafimaad ku joogay Magaalada Nairobi ee Caasimada Dalka Kenya. Madaxweynaha Jubbaland ayaa waxaa ku soo dhaweeyay garoonka diyaaradaha ee Sayid Maxamed Cabdulle Xasan ee Magaalada Kismaayo 2-da Madaxweyne ku xigeen Iyo xubno katirsan labada gole ee Dowlada Jubbaland.
Madaxweynaha Dowlada Jubaland Axmed Maxamed Islaam aya la filayaa in maalinta beri ah wafdi uu hoggaaminayo ay safar ku gaari doonaan magaalada Garoowe ee caasimada Puntland halkaas oo ay kulan wadatashi ku yeelan doonaan madaxda Puntland iyo Jubbaland waxaan kulanka diirada lagu saari doonaa qodobadii ka soo baxay shirkii dhawaan ka dhacay Dhuusmareeb.
A/cawaale
Halgan.net
