Ciidanka Amniga Puntland oo Boosaaso ku qabtay shakhsiyaad la raadinayey oo diyaarinayey waxyaabaha qaraxyada laga sameeyo.[Masawiro]

Boosaaso:-Ciidanka PSF ayaa waxaa ay hawlgal ay ka sameeyeen magaalada Bosaso e xarunta Gobolka bari waxaan ay howl galkaas ku soo qabteen shakhsiyaad la raadinayey oo diyaarinayey waxyaabaha qaraxyada laga sameeyo ka dibna ay u gudbiyaan Buuraha Calmadow si loogu waxyeeleeyo ciidamada Puntland ee ku sugan buuraha Cal Madow.

Laamaha kale duwan ee Ciidanka amniga Puntland gaar ahaan kuwa madaxtooyada iyo ciidanka Booliska Boosaaso ayaa maalmihii la soo dhaafay waxaa howl galo ay ka sameeyeen xaafaddaha magaalada Boosaaso waxaana ay ku soo qabteen dad fara badan oo qaarkood la sii daayey ka dib baaris lagu sameeyey.

Ciidanka Amniga Puntland (PSF) waxay maalmo ka hor howl gal dhinac amniga ah ka fulyeen Tuulada Afurur ee gobolka Bari.Saraakiisha Ciidanka Amniga Puntland (PSF) ayaa waxaa ay kulamo kala duwan la qaateen saraakiisha kale ee ciidamada Puntland ee ku sugan Afurur.

Afurur waxa ay ka mid tahay meelaha muhiimka ah ee ay saldhigyada difaaca ay ku leeyihiin ciidamada amniga Puntland ee dagaalka kula jira kooxaha argagixisada ah ee Al Shabaab iyo Daacish.
M_M_Deeq
Halgan.net