Taliyihii hore ee Ciidamada Daraawiishta Puntland Gen Siciid Dheere oo baaq nabadeed jeediyey.[Video]

Garoowe:-Taliyihii hore ee Ciidamada Difaaca dowladda Puntland, Gen.Siciid Dheere oo waraysi gaar ah siiyey Idaacadda SBC ayaa waxaa uu ku baaqay in laga fogaado colaad ka dhalata khilaafka u dhexeeya Saraakiisha Ciidanka PSF iyo Madaxweynaha dowladda Puntland oo xil ka qaadis ku sameeyey Agaasimaha Ciidamada PSF.

Taliyihii hore ee Ciidamada Difaaca dowladda Puntland, Gen.Siciid Dheere ayaa ugu baaqay Madaxweynaha Dowladda Puntland in uu dib uga laabto xil ka qaadista uu ku sameeyey Agaasimaha PSF haddii ay colaad iyo iska horimaad uu dhalin karo go’aanka Madaxweynaha.

Taliyihii hore ee Ciidamada Difaaca dowladda Puntland, Gen.Siciid Dheere ayaa wax laga wiidiiyey Ciidamada PSF ayaa yiri “PSF dadkeeda waxba umaysan dhimin ee arrin siyaasadeed baa jirta oo laysku haysto waana ciidan tababbaran, dhamaystiran qalabaysan oo aysan marnaba beddeli karin kuwa tirada badan ee hadda tababarka loo sameeyey”.

M_M_Deeq
Halgan.net