Wararkii ugu dambeeyey ee xaalada magaalada Boosaaso

Boosaaso:-Wararka naga soo gaaraya magaalada Boosaaso ee xarunta Gobolka Bari ayaa sheegay in xaalada guud ee magaaladu ay tahay mid aad u wanaagsan waxaan socda dadaalo meel fiican maraya oo ay wadaan Issimada, Cuqaasha ,Ganacsatada iyo Culimada mana jiraan wax ciidamo ah oo is horfadhiya.

Ilo wareed ku dhow wada hadalka socda ayaa Halgan.net u xaqiijisay in aysan jir wax dhiilo colaadeed ah oo u dhexeeya hadda Dhinacyada kale duwan ee dowladda iyo Saraakiisha Ciidamada PSF wada xaajoodkuna uu socdo lana rajeynayo inuu ku soo dhamaado guul iyo afgarasho.

Dhinac kale Gudiga Amniga ee maamulka gobolka Bari oo kulan ay ku yeesheen Magaalada Boosaaso waxay kaga hadleen amniga magaalada ganacsiga Puntland oo maalmahaan ay xaaladi ka taagneyd iyagoo sheegay in howl galo laga bilaabi doona magaalada Boosaaso iyagoona ku amray Ciidamada in ay ku sugnaadaan saldhiyadooda laguna arki karin magaalada gudaheeda marka laga reebo Ciidamada sugaya amniga magaalada Boosaaso.

A/cawaale
Halgan.net