Ku-simaha Madaxweynaha Dowladda Puntland oo kormeeray Dhismaha Isbitaalka Guud ee Garoowe.[Video/Masawiro]

Garoowe:-Ku-simaha Madaxweynaha Dowladda Puntland Ahna Madaxweyne Ku-xigeenka Dowladda, Mudane Axmed Cilmi Cismaan Karaash ayaa maanta kormeeray Dhismaha Isbitaalka Guud ee Garoowe oo dayactir lagu samaynayo.Madaxweyne Ku-xigeenka ayaa kormeeray qaybaha kala duwan ee Isbitaalka ee dhismuhu kasocdo kuwaas oo maraya meel wanaagsan, isaga oo warbixino ka dhegeystay Maamulka Isbitaalka iyo Shirkada gacanta ku haysa dhismaha Isbitaalka.

no images were found

Masuuliyiinta Shirkada dhisaysa Isbitaalka ayaa Ku-simaha Madaxweynaha Puntland Ahna Madaxweyne Ku-xigeenka la wadaagtay halka uu marayo qorshaha dayactirka Isbitaalka, halka uu marayo iyo shaqada u qabsoomtay waxayna sheegeen inay kusoo geba-gebayn doonaan mudo 6 biloood ah.

Ugu damabayn Madaxweyne Ku-xigeenka Dowladda Puntland Mudane Axmed Cilmi Cismaan Karaash, boggaadiyay shaqada ku socota Isbitaalka Garoowe oo muhim u ah adeega caafimaad ee Bulshada loo hayo, wuxuuna kula dar-daarmay Shirkada gacanta ku haysa inay masuuliyad weyn iska saaaran shaqada ay hayaan isla markaana dar-dar geliyaan.

DHAMMAAD

XAFIISKA WARFAAFINTA MADAXTOOYADA DOWLADDA PUNTLAND