Guddoomiye ku-xigeenka koowaad ee golaha shacabka oo loo doortay Sacdiya Yaasiin Xaaji Samatar

Muqdisho:-Waxaa goordhow soo gabagabowday wareegga koowaad ee doorashada guddomiye ku-xigeenka koowaad iyo gudoomiye ku xigeenka 2aad ee golaha Baarlamaanka Federaalka Soomaaliya.
Tartanka Wareeggii koowaad ee doorashada ayaa waxay murashaxiinta codadka u kala heleen sida soo socota.
1. Maxamedweli Cabdalle Axmed: 59 cod

2. Maxamed Cali Cumar (Caana-nuug): 58 cod

3. Sacdiya Yaasiin Xaaji Samatar: 52 cod

4. Khadiijo Maxamed Diiriye: 21 cod

5. Cabdikariin Abdow Xayder: 15 cod

6. Maxamuud Cabduqaadi Xaaji (Jeego): 12 cod

7.Cabdiraxmaan Cabdiqadir Cadde: 8 cod

8. Saciid Maxmed Maxamuud Xayd: 7 cod.

9. Maxamed Nuur Abuukar: 5 cod

10. Maxamed Cumar Cimow: 4 cod

Tartanka wareega 2aad ayaa waxaa u gudbay Sacdiyo Yaasiin Xaaji Samatar oo doorasha deegaankeedu tahay Puntland iyo Maxamed Cali Cumar Caana-Nuug oo laga soo doorto Jubaland ka dib markii ay tanaasuleen Maxamed weli oo hellay 60 cod isagoona u tanaasulay Sacdiyo Yaasiin halka Khadiijo Diiriye oo heshay 21 cod ay u tanaasushay Maxamed Cali Caananuug.

Tartanka Wareegga ugu dambeeya ayaa waxaa isagu soo haray Maxamed Cali Cumar (Caana-nuug) iyo Sacdiya Yaasiin Xaaji Samatar, oo iyagu hormuud u ah xubnaha mucaaradka dowladda Federalka Soomaaliya ee xiligeedu uu dhamaaday waxaan guusha ay raacday Sacdiyo Yaasiin Xaaji oo noqotay Gudoomiyaha ku xigeenka 1aad ee golaha shacabka.

A/cawaale
Halgan.net