Ra’iisal wasaarayaashii hore ee DFS oo booqasho iyo salaan ugu tegay Madaxweynaha dowladda Puntland

Nairobi:-Madaxweynaha Dowladda Puntland Mudane Siciid C/laahi Deni, ayaa waxaa booqasho salaan iyo is xogwareysi ugu yimid Ra’isalwasaarihii hore ee DFS Mudane Xasan Cali Kheyre iyo Ra’isalwasaarii hore Ahna Madaxweynihii hore ee Dowladda Puntland Mudane Cabdiweli Maxamed Cali Gaas.

Kulanka oo ahaa salaan iyo booqasho ayaa la iska xogwareystay xaaladda Guud ahaan Amniga dalka iyo Arrimaha Siyaasadda, iyo shaaqooyinka ka socda Puntland sida horumarka, Amniga, Dhismeyaasha kaabayaasha dhaqaalaha iyo dimuqraadiyadda, waxaa ka qeybgalay Wasiiru Dowlaha Madaxtooyada Dowladda Puntland Mudane Cabdifataax Maxamed Cabdi Nuur .

DHAMMAAD
XAFIISKA WARFAAFINTA MADAXTOOYADA DOWLADDA PUNTLAND.