Taliyaha ciidanka Booliska XFS oo kormeeray Taliska Ciidanka Booliska ee Puntland

Garowe: 18 Nov 2022:Taliyaha Ciidanka Booliska Soomaaliyeed S/Gaas Cabdi Xasan Maxamed Xijaar ayaa maanta kormeer shaqo ku yimi maanta Xarunta Dhexe ee Taliska Ciidanka Booliska DPL.

Taliyaha booliska ayaa shir la qaatay Taliska Guud Booliska, saraakiisa sarsare ee Hoggaamada,Qaybaha iyo Fadhiyada Madaxa Bannaan,Taliyaha ladagaalanka argigixisada Puntland s/gaas muxiidiin Axmed Muuse iyaga oo warbixinno ka siiyey xaaladda guud ee amniga deegaanada Puntland, dadaallada socda ee lagu xaqiijinayo sugidda amniga iyo dagaalka ka dhanka ah Argagixisada.

Taliyaha Ciidanka Booliska Punand S/Guuto Muumin Cabdi Shire ayaa Taliyaha ciidanka booliska Soomaaliya S/gaas Xijaar la wadaagay horumarrada ballaaran ee dhinacyada tababarrada, tayaynta, tirada iyo qalabaynta ee uu ku tallaabsaday Ciidanka Booliska Puntland.

DHAMMAAD
Xafiiska Wacyi-gelinta Iyo Warfaafinta Taliska Ciidanka Booliska Dowladda Puntland