Ciidamada PMPF Puntland oo soo bandhigay meydad iyo xubno ay ka qabteen Al-shabaab

Boosaaso:-Ciidamada Difaaca Puntland ee PMPF ayaa howl gal ay ka fuliyeen Toga Habar Hunbulo Buuraha Calmadow ee Gobollka Bari waxaa uu dagaal toos ah dhexmaray ciidamo ka tirsan ururka Al-shabaab oo qorshaynayey in ay weerar ku qaadaan Saldhig ay ciidanka PMPF ku leeyihiin Buuraha Calmadow.

Taliska ciidanka PMPF ee Puntland oo la hadlay saxaafadda ayaa u sheegay in ay dileen ilaa 10 xubnood oo ka tirsan Al-shabaab halka 3 kale ay ku qabteen nolosha ,waxaa kale ay xuseen in dhinacooda uu ka dhintay hal askari.

Taliska ciidanka PMPF ee Puntland ayaa saaka soo bandhigay meydad ay ku sheegeen in ay yihiin xubno ka tirsan Al-shabaab oo ay ku dileen howl galka balse aan ka gaabsanay in aan la wadaagno Akhristayaasha Halgan.net.

Ciidamada Difaaca Puntland ee PMPF ee ka ku sugan Buuraha Calmadow ee Gobolka Bari ayaa waxaa ay dagaalo kale duwan dhexmareen ururka Al-shabaab waxaan ka dhashay khasaaro kale duwan oo soo kala gaaray labada dhinac.

Ilaa hadda ma Jiro wax war ah oo ka soo baxay ururka Al-Shabaab oo ka hadlay dagaalka dhacay iyo weliba khasaaraha ka soo gaaray dagaalkii saaka ka dhacay Toga Habar Hunbulo Buuraha Calmadow ee Gobollka Bari

M_M_Deeq
Halgan.net