Ururka Al-Ictisaam oo Muslimiinta ugu baaqay in aan la iibsan badeecadaha Faransiiska

Ururka Al-Ictisaam Bil Kitaabi Wassunnah ayaa Bayaan ka soo saaray Aflagaadada uu Madaxweynaha dalka Faransiiska u geystay Nabigeena Maxamed CSW waxayna dhamaan Muslimiinta uga mahadceliyeen sidda ay uga qiiroodeen una gooyeen Badeecooyinka dalka Faransiiska .

Ururka Al-Ictisaam Bil Kitaabi Wassunnah ayaa sidoo kale ugu baaqay Muslimiinta in ay gooyaan cid walba oo ku soo xadgudbuta muqadaaska iyo Nabigooda Maxamed CSW.

Ururka Al-Ictisaam Bil Kitaabi Wassunnah ayaa waxaa uu ku tilmaamay soo noqonoqoshada Aflagaadada Faransiiska uu u geysanayo diinta iyo Nabigeena Maxamed CSW in ay tahay cadaawo ku fogaatay uu u qabo Islaamka iyo Muslimiinta.

Dhanka kale Ururka Al-Ictisaam Bil Kitaabi Wassunnah ayaa si gaar ah ugu baaqay shacabka Soomaaliyeed in ay gooyaan dhamaan wax walba uu soo saaaro dalka Faransiiska .

Nuqul ka mid ah Bayaanka ayaa waxaa uu soo gaaray Halgan.net

Hoos ka Akhriso Bayaanka ay Ururka Al-Ictisaam Bil Kitaabi Wassunnah ka soo saareen cadaawada Dalka Faransiiska oo dhaqan ka dhigtay Aflagaadeynta Nabigeena Maxamed CSW iyo diinta Islaamka iyo Muslimiinta .

no images were found

Halgan.net
Muqdisho