Madaxweyne ku xigeenka Puntland oo ka qeyb galay qalinjabinta dufcaddii 9-aad ee ka baxday Jaamacada Bariga Afrika

Garoowe:-Madaxweyne Ku-xigeenka Mudane Axmed Cilmi Cismaan Karaash ayaa maanta ka qeyb-galay munaasabadda qalinjabinta dufcaddii 9-aad ee ka baxday Jaamacada Bariga Afrika faraceeda Garoowe. Madaxweyne Ku-xigeenka ayaa Ardayda qalin bedelatay, Maamulka, Macalimiinta iyo waalidiinta ardayda ku bogaadiyey dedaalka wadajirka ah ee ay heerkan kusoo gaareen, waxa uu kula dardaarmay in cilmiga ay barteen si hagar la’aan ah ugu adeegaan Diintooda, bulshadooda, iyo dowladdoodaba, islamarkaana waxa uu Alle “SWC” uga baryey inuu ku anfaco cilmiga ay barteen.

Munaasabadda Qalin bedelashada Ardayda Jaamacadda Bariga Afrika, waxaa Madaxweyne Ku-xigeenka kala qayb-galay masuuliyiin ka tirsan Goleyaasha Dowladda, Maamulka Jaamacadda, Waalidiinta Ardayda, iyo marti sharaf kale.

——Dhamaad—