Golaha Aqalka Sare BFS oo ansixiyey Xubnaha Guddiga Doorashada Madaxweynaha Federaalka Soomaaliya.[Video]

Muqdisho:-Waxaa goordhow furmay kulanka Golaha Aqalka Sare oo maanta loo balamay iyadoo kulanka lagu dooran doono Guddiga doorashada Madaxweynaha Jamhuuriyadsa Federaalka Soomaaliya balse waxaa warbixin kooban laga dhagaystay ka hor inta aan la dooran gudiga Guddigii doorashada Guddoonka Golaha Aqalka Sare.

Guddoomiyihii Guddigii Doorashada Guddoonka Golaha Aqalka Sare Senator Aadan Cabdinaasir Maxamed oo fadhigii maanta warbixin Golaha ka siiyay Shaqadiisoo qabteen.

Dhinac kale Guddoomiyaha Golaha Aqalka Sare Mudane Cabdi Xaashi Cabdullaahi oo Sanatarrada Golaha dardaaran u jeediyay ayaa dhinaca kale sharraxay habraaca Guddiga Doorashada Madaxwaynaha.

Guddoomiyaha golaha aqalka sare Cabdixaashi Cabdullaahi”Dalka waxaa uu nooga baahan yahay in aan ka samatabixino marxalada uu ku jiro”.

Gabagabadii ayaa Xoghaya Guud ee Golaha Aqalka Sare waxaa uu Akhrinayey magacyada xubnaha Aqalka Sare uga mid noqonaya Guddiga isku dhafka ah ee ka shaqeyndoona doorashada Madaxweynaha JFS.

A/cawaale
Halgan.net