Banaanbaxyo goordhow ka bilaawday Qaahira iyo gobollada dalka Masar.

Qaahira:Waxaa dhawaan ka bilaawday magaalada Qaahira ee xarunta dalka Masar banaanbaxyo waaweyn oo lagu diidan yahay ciidanka Melatariga ee dalka Masar oo inqilaabka kula wareegay taladii dalka Masar waxaana banaanbaxa sidoo kale lagu eedeeyey Mujrimiintii shalay xasuuqay shacabkii sidda nabad ah u banaan baxayey.

Banaanbaxyada Waaweyn ayaa waxay bilaawdeen salaadii Jimco ka dib waxaana ay ka socdaan Qaahira ,Askandariya ,Minya ,Asyuud ,Xalwaan,Cariish,Siinaa iyo magaalooyin kale oo badan dibadbaxayaasha ayaa waxay ku qeylinayaa halku dhagyo lid ku ah Jen Siisi oo ah hogaanka sare ee ciidanka Melatariga .

Banaanbaxa ayaa waxay taageerayaasha Madaxweynihii la doortay Maxamed Mursi u bixiyeen (“جمعة الغضب”) Ciidanka Melatariga ee dalka Masar ayaa waxaa uu adeegsanayaa Rasaas iyo Diyaarado dagaal warar hordhac ah ayaa sheegaya in shacab badan uu gaaray khasaaro kala duwan oo leh dhimasho iyo dhaawac.

Wararkii ugu danbeeyey ee ka imaanaya dalka Masar ayaa sheegaya in shacabka ay jiireen ciidanka Melatariga ayna ku sii siqayaan Fagaaraha Ramses waxaa Qaahira ka socda Rasaas xooggan oo ay ridayaan ciidanka Melatariga ee dalka Masar.

Cabdi Yare
Halgan.net