Ciidanka Booliska Burco oo howl galo ku qabtay 4 dhalinyaro ah

Burco:-Ciidanka Booliska ee  magaalada Burco ee xarunta Gobolka Togdheer ayaa waxaa ay xalay ka fuliyeen magaalada howl galo waxaan ay qabteen ilaa 4 dhalinyaro ah oo ay uga shakisan yihiin in ay ka tirsan yihiin ururka Al-shabaab.

Taliyaha booliska gobolka Togdheer, Gaashaanlle Axmed C/raxmaan Xassan oo la hadlay saxaafada ayaa sheegay in ay  ay ciidanka Boolisku iyo laamaha kale ee amaanku ay si wadayaan howlgalka ay ku sugayaan amaanka si looga foojignaado kooxaha nabad diidka ah ee doonaya in ay khalkhal geliyaan amaanka Gobolka Togdheer.

Taliyaha booliska gobolka Togdheer, Gaashaanle Axmed C/raxmaan Xassan ayaa  ugu baaqay bulshada ku dhaqan Soomaaliland guud ahaan gaar ahaan Gobolka Togdheer in ay la shaqeeyaan ciidanka amaanka si ay u suganaa amaanka Gobolka.

Gobolka Togdheer iyo qaybo ka mid ah Gobolka Sanaag ayaa ilaa intii ay ciidanka ururka Al-shabaab ka baxeen Gobolladii ay gacanta ku hayeen  waxaa si firxad ah ku yimid dad fara badan  oo qaarkood looga shakisan yahay in ay ka tirsan yihiin ururka Al-shabaab

M_M_Deeq
Halgan.net