Ciidanka Booliska Kenya ee magaalada Mombaza oo heegan la galiyey

Mombaza:-Ciidanka Booliska iyo kuwa sirdoonka ee magaalada Mombaza ee dalka Kenya ayaa heegan buuxa la geliyey, ka dib markii ay sheegeen ciidanka Sirdoonka Kenya in ay heleen xog qarsoon . Taliyaha ciidanka amaanka ee gobolka Cost ee dalka Kenya Robert Kitur,ayaa sheegay in ay ka war heleen in Ururka Al-Shabaab diyaariyey weeraro laga fuliyo magaalada Mombaza.

Sidoo kale Guddoomiyaha degmada Gaarisa Haruun Rashiid ayaa warbaahinta u sheegay in weeraro dhowr ah ay Al-Shabaab ka fuliyeen gobolka woqooyi Bari ee Kenya askarna ay ku dileen . Guddoomiyaha degmada Gaarisa Haruun Rashiid ayaa sidoo kale sheegay in Al-Shabaab ay gaarsiyeen Khasaaro kala duwan ayna fashiliyeen weeraro dhowr ah.

Ururka Al-Shabaab ayaa weeraro dhowr ah ka geystay gudaha dalka Kenya waxaana ay ku dileen askar ka tirsan Booliska Kenya iyaga oo qaar kalana soo qafaashay.

A/Cawale
Halgan.net