Gudoomiyihii hore ee Gobolka Mudug Cabdirashiid Dhuubane oo la xiray

Garoowe:-Gudoomiyihii hore ee Gobolka Mudug Cabdirashiid Cali Xaashi (Dhuubane) ayaa waxaa xabsiga u taxaabay ciidanka nabadsugid ee Puntand ka dib markii uu shalay la hadlay qaar ka md ah saxaafadda Soomaaliyeed uuna sheegay warar lid iyo gaf ku ah Madaxweynaha dowladda Puntland Dr Cabdi weli Maxamed Cali Gaas iyo maamulkiisa.

Gudoomiyihii hore ee gobolka Mudug Dhuubane ayaa waxaa laamaha amaanku ay ku eedeeyeen in uu saxaafada mariyey warar abuuri kara amni daro lidna ku ah jirtaanka Puntland sharaf dhacna ku ah hogaanka cusub ee Puntland.

Gudoomiyaha Gobolka Nugaal Cabdiqani Xaashi Cali ayaa saxaafadda u xaqiijiyey in ciidanka amnigu ay xireen Gudoomiyihii hore ee Gobolka Mudug Cabdirashiid Cali Xaashi (Dhuubane) Xalay ka dib markii uu ku xadgudbay madaxda Puntland kuna hadlay hadalo wax u dhimay Nabadgelayad keeni karana iska horkeen.

Cabdirashiid Cali Xaashi (Dhuubane) ayaa waxaa uu horay u soo noqday Gudoomiyihii hore ee Gobolka Mudug waxaan uu maalmihii u danbeeyey uu ku sugnaa magaaada Garoowe ee xarunta maamulka Puntland. Maalmaha soo socday ayaa la filayaa in Gudoomiyihii hore ee Gobolka Mudug Cabdirashiid Cali Xaashi (Dhuubane) la soo taago Maxkamad si loogu soo oogo danbiga loo haysto amaba loogu waayo Eedaynta loo soo jeediyey

M_M_Deeq
Halgan.net