Yuusuf Cali Cusmaan (Yuusuf Farey) oo lagu dilay degmada Dharkenley

Muqdisho:-Waxaa saaka lagu dilay degmada Dharkenley ee gobalka BanaadirYuusuf Cali Cusmaan (Yuusuf Farey) oo ka mid ahaa wasaarada warfaafinta ee DFKM wuxuuna isku xiri jiray saxaafada madaxa banaan iyo wasaarada warfaafinta.

Koox Hubeysan oo aan la aqoon ayaa ku dishay xaafada Madiino ee degmada Dharkenley Yuusuf Cali Cusmaan (Yuusuf Farey) iyaga oo dilka ka dib goobta ka baxsaday waxaana goobta soo gaaray ciidamo ka tirsan DFKM iyaga oo baaritaano ka sameeyey goobta lagu dilay Yuusuf Farey.

Alaha ha u naxariistee  Yuusuf Cali Cusmaan (Yuusuf Farey) ayaa wuxuu ahaan saxafi si weyn looga yaqaan magaalada Muqdisho waxaana uu in mudo ah ka soo shaqeeyey Radio Muqdisho xiligii talada dalka uu hayey Maxamed Siyaad Bare .

Ilaa haatan lama yaqaan cida dishay Yuusuf Cali Cusmaan (Yuusuf Farey) balse saraakiil ka tirsan DFKM waxay dilka ku eedeeyeen kooxaha Amniyaadka ee Ururka Al-Shabaab.

A/Cawale
Halgan.net