Madaxweyne ku xigeenka Puntland oo kormeer ku tegay xarumo ku yaal Taleex

Taleex:-Madaxweyne ku xigeenka dowllada Puntland Gen,Cabdisamed Cali Shire ayaa kormeer ku tegay xarumo ku yaal degmada Taleex ee gobolka Sool waxaana socdaalkiisa ku weheliyey Wasiirka duulista hawada, ku xigeenka wasiirka dekedaha iyo gaadidka, xildhibaano uu horkacayo guddoomiye ku xigeenka kowaad ee Barlamanka Puntland.

Madaxweyne ku xigeenka Puntland Gen.Cabdisamed Cali Shire ayaa waxaa uu booqday maanta Qalcadaha Taarikhiga ah ee Taleex ,Daar Ilaalo, Silsilad iyo Falaad waxaana uu dhagax dhigay Ceel biyood oo ay hergalin doonto hay’ada Bisha Cas ee Dalka Kuwait.

Madaxweyne ku xigeenka dowladda Puntland Gen,Cabdisamed Cali Shire ayaa waxaa uu kormeer ku tagay xarunta caafimaadka ee degmada Taleex waxaana uu warbixino kala duwan uu ka dhageystay dhakhaatiirta ka howlgasha Degmada Taleex waxaana ka mid ahaa Dr.Cabdiraxman Cumar Cadde oo ka warbixiyey xarun lagu daweeyo TB-da oo gabogabo mareysa.

Madaxweyne ku xigeenka Puntland Gen.Cabdisamed Cali Shire ayaa la hadlay saxaafada isaga oo ku sugan Degmada Taleex waxaana uu ka warbixiyey xarumaha uu kormeerka ku tagay maanta

M_M Deeq
Halgan.net