Ciidamo uu horkacayo Gudoomiyaha Gobalka Nugaal Gen.Cumar C/laahi Farawayne oo gaaray degmada Godob-Jiiraan.[Dhagayso]

Garoowe:-Wararka naga soo gaaray magaalada Garoowe ayaa sheegay in Gudoomiyaha Gobalka Nugaal Gen.Cumar C/laahi Farawayne iyo saraakiil ciidan oo uu ka mid yahay Gen Jimcaale ayaa gaaray degmada Godob-Jiiraan waxaan ay ciidanku ay fariisamo ka samaysteen tuulooyin dhow ah.

Ciidamadaan Puntland ee ka baxay Garoowe ayaa waxaa ay ku sii jeedaan degmada Eyl oo saaka ciidamo ka mid ah kuwa badda Puntland ay gaareen iyagoo ku biiray ciidamo horay ugu sugnaa degmada Eyl waxaan caawa la soo sheegayaa in ay ka jiraan dhaqdhaqaaq ciidan laga cabsi qabo in beri uu dagaal ka bilowdo.

Gudoomiyaha Gobalka Nugaal Gen.Cumar C/laahi Farawayne oo hogaaminaya ciidanka ku baxay degmooyinka godobjiiraan , Dongorayo, Garmaal iyo Eyl ayaa waxaa uu socdaalkiisa uga waramay Radio Daljir isagoona ka warbixiyey u jeedka ay ugu socdaan degmada Eyl.

Hoos ka Dhagayso waraysiga uu Radio Daljir la yeeshay Gudoomiyaha Gobalka Nugaal Gen.Cumar C/laahi Farawayne

Halkaan ka Dhagayso Mp3

M_M_Deeq
Halgan.net