Ciidanka Puntland oo shalay iyo xalay hawl-gal ka sameeyey aaga Bandar-Bayla

Qardho:- Waxaa xalay iska horimaad hubayan uu dhexmaray ciidamo ka tirsan Puntland iyo qaar ka mid ah ciidamadii Al-shabaab ee ka soo firxaday Togga Suuj oo tiradooda lagu sheegay 18 askari ay yimaadeen deegaanka la yiraahdo Dhalindbaar ,Durdura iyo Togga Qundheed oo dhinac bari kaga beegan Togga Suuj kana tirsan degmada Bandar Bay ee Gobolka Karkaar.

Dhalinyaradaan hubaysan ayaa waxaa markii ay soo gaareen deeganka Dhalindhaar dadka deegaanka ay wargeliyeen ciidanka Puntland ka dibna waxaa dhexmaray iska horimaad hubeysan waxaan iska horimaadkaas ku dhintay 2-bo ka tirsan cidanka Al-shabaab halka ciidanku ay qabteen 9 xubnood oo ka tirsan Al-shabaab , ciidanka Puntland ayaa waxaa a dhaawacmay ilaa labo askari.

Saraakiisha ciidamada Amniga ee gobalka Karkaar oo la hadlay saxaafadda ayaa sheegay in ciidanka Puntland ee Gobolka Karkaar ay sameeyeen howl galo ka dib markii 18 askari oo Al-shabaab ah lagu arkay deegaanka Dhalinbaar ayna soo wargeliyeen dadka deegaanka.

Wararkii ugu danbeeyey ee naga soo gaaraya gobalka Karkaar ayaa sheegaya in dhamaan ay is dhiibeen saaka firxadkii Al-Shabaab waxaana la geeyey magaalada Qardho ee xarunta gobalka Karkaar

Hoos ka Dhagayso goob jooge u waramay Radio Daljir ka dib iska hormaadka ka dhacay Dhalindhaar shalay

Halkaan ka Dhagayso Mp3

M_M_Deeq
Halgan.net