Dagaal dhexmaray ciidanka AMISOM iyo Al-Shabaab oo ka dhacay J/hoose

Wararka ka imaanaya gobalka J/hoose ayaa sheegaya in Dagaal u dhexeeya ciidamada Jubbaland iyo kuwa AMISOM oo isku dhinac ah iyo  Al-Shabaab uu ka dhacay inta u dhexaysa magaalooyinka Qooqaani iyo Af-Madow waxaana ka dhashay khasaaro leh dhimasho iyo dhaawac.

Dagaalka ayaa qarxay  ka dib markii ay kooxda Al-Shabaab  ay waddada u gashay ciidammo ka tagey Qooqaani oo u socday Af-madoow kuwaas la gaarsiiyey khasaaro kala duwan waxaana dhintay hal askari qaar kalana waa la dhaawacay.

Kooxda Al-Shabaab ayaa guul ka sheegtay dagaalka ay ku qaadeen kolanyo ciidamo ka tirsan AMISOM iyo kuwa J/land ,oo ku socday Afmadow.

Dhanka kale dowlada Kenya oo ay ciidankeeda joogaan Degmooyinka Afmadow iyo Qooqaani ayaa sheegay in ay dileen 13 askari oo ka  tirsan kooxda Al-Shabaab.

Afhayeenka ciidanka Kenya Col.David Obonyo ayaa sheegay in weerarkan ku qabsadeen 8  AK47 ah,2 qori oo PKM ah,2 RPG ah  iyo rasaas kala duwan.

Ma jiraan ilo madax banaan oo xaqiijin kara guulaha ay sheeganayaan Al-Shabaab iyo ciidanka dowlada Kenya  KDF

A/Cawale
Halgan.net