Isku soo bax lagu taageerayo ciidanka Puntland oo ka dhacay degmada Qardho.[Cod/Masawiro]

Qardho:-Waxaa saaka ka dhacay  magaalada Qardho ee xarunta Gobolka Karkaar isku soo bax balaadhan oo lagu taageerayo guulaha ay ciidanka dowladda Puntland ay ka gaareen dagaaladii ay kula galeen ciidanka ururka Al-shabaab deegaanada kala ah Togga, Suuj, Garmaal iyo Godobjiiraan ee Gobolka Nugaal iyo deegaano xeebta ah ee ku xeeran magaalada Garacad ee Gobolka Mudug.

Isku soo baxaan ayaa waxaa dadweynaha la hadlay maamulka Gobolka Karkaar iyo kan degmada waxaan dadweynuhu iskugu soo aruureen barxada weyn ee u dhexeysa Madax tooyada iyo xarunta Dowlada Hoose ee degmada Qardho. Gudoomiyaha degmada Qardho ayaa waxaa uu mahad celin u jeediyey dadweynaha isku soo baxay waxaan uu xusay in lala socdo dadka aan la aqoon ee yimaada magaalada Qardho iyo degmooyinka kale ee ku xeeran laguna soo wargeliyo ciidanka amniga.

Gudoomiyaha degmada Qardho in ay ka fiirsadaan dadka ay ka kiraynayaan Hotelada iyo weliba guryaha cid walba oo laga shakiyana lagu wargeliyo laamaha amaanka,Isku soo baxaan ayaa waxaa uu ku soo beegmayaa ka dib markii maalin ka hor ay cutubyo ka titsan iidanka Puntlad oo ka qayb galay dagaalkii ka dhacay Togga Suuj, Garmaal iyo Godobjiiraan ee gobolka Nugaal ay dib ugu soo laabteen magaalada Qardho ee xarunta Gobolka Karkaar.

Dhinac kale gudoomyaha Gobolka Karkaar ayaa sheegay in dagaalka wajigiisa koowaad uu dhamaaday hadda loo gudbiyo wajigii labaad oo ah in laga hortago xubno ka tirsan Al-shabaab in ay soo galaan deegaanada Puntland si ay dilal uga geystaan ama qaraxyo

Ugu danbayntii gudoomyaha Gobolka Karkaar ayaa xusay in ururka Al-shabaab aysan qabsan karin Puntand balse ay doonayaan in ay amniga khalkhal galiyaan si nabadgelyada ay wax u dhimaan taasna ay dhici doonin oo shacabka ay ku kal soonyihiin dowladda iyo ciidanka Puntland.

no images were found

Hoos ka Dhagayso isku soo bixii ka dhacay magaalada Qardho ee xaruta Gobolka Karkaar

Halkaan ka Dhagayso Mp3

M_M_Deeq
Halgan.net