Mu’assada Minhaaj Galdogob oo Qado sharaf u samaysay waxgaradka beesha Wadal-mogge.[Masawiro]

Galdogob:-Kulanka oo ahaa martigalin, soo dhawayn iyo isbarasho ayaa jimcadii 4/3/2016ka wuxuu ka dhacay xarunta Mu’assasada ee magaalada Galdogob, waxgaradka beeshaas oo iskugu jiray odayaal dhaqameed, nabadoono, aqoonyahan, culumo iyo ganacsato ayaa u yimid Galdogob hawlo ay ugu muhiimsanaayeen nabadayn iyo turxaan-bixin iyo waliba u kala xaqid dad dhibaato kala gaartay, hawlahaas 100% is afgarad ku dhamaatay.

Mu’assasada ayaa kala hadashay waxagaradka muhiimada ay leedahay nabadu iyo in xooga la saaro sidii shacabka soomaaliyeed oo walaalaha ihi u hormari lahaayeen, sidoo kale in wax walba lagu bixiyo waxbarashada iyo hanuuninta iyo waliba midnimada umadda.

Waxgaradka ayaa dhinacooda soo dhaweeyey hawlaha ay Mu’assasadu ka wado deegaanka kana mahad celiyey martigalinta, sidoo kalena hoosta ka xariiqay inay garab istaagayaan waxqabadka Mu’assasada, waxayna codsadeen in xiriirku intaas ka kordho. Kulanka ayaa wuxuu ku soo dhamaaday jawi faraxadeed.

no images were found

Mu’assasada Minhaaj
Galdogob ,Halgan.net