Mu’assasada Minhaaj ee Galdogob oo booqatay Dugsiga H/dhexe ee Qansaxle.[Masawiro]

Galdogob:-Tuulada Qansaxle oo dhinaca waqooyi bari magaalada Galdogob ka xigta qiyaastii 18KM ayaa booqashadeeda Mu’assadu Minhaaj uga gol lahayd u kuurgalida habka waxbarasho ee dugsiga iyo wadcigeeda guud. waxaana qayb ka ahaa booqashada waxgarad isugu jiray culumo, ganacsato iyo odayaal, kal hore ayey ahayd markii Hay,adda minhaaj ay dayatir dhamaystiran ku samaysay dugsiga, isla markaasna ay balan qaaday inay ka qayb qaadanayso tayeynta waxbarashada.

Iskuulka oo uu wehliyo dugsi quraan ayaa waxaa ka shaqeeya 4 macalin iyo maamule, waxaana dhigta dhawr iyo todobaatan arday oo intooda badani ka yimaadaan baadiyaha, wuxuuna ka diiwaan gashan yahay Wasaaradda waxbarashada Puntland. Ardayda ayaa laga qaaday imtixaan qaybta quraanka iyo maadooyinka iskuulkaba isugu jira, waxaana kasoo baxay natiijooyin qurux badan.

Ka dib waxaa la galay shir dheer oo lagu gorfaynayo sidii dugsiga lagu hormarin lahaa loolana tacaali lahaa dhibaatooyinka haysta. Waxaana lagu balamay hawl qabad dhow oo ay ugu horayso tababar loo fidiyo macalimiinta dugsiga.

no images were found

Mu’assasada Minhaaj
Galdogob ,Halgan.net