Ra’iisul Wasaaraha DFS oo gaaray Magaalada Garowe ee xarunta Puntland

Wafdi uu hogaaminayo Ra’iisul Wasaaraha DFS Cumar Cabdirashiid Cali Sharmarke ayaa goordhow soo gaaray magaalada Garowe ee xarunta dowlada Puntland waxaana halkaas si diiran ugu soo dhaweeyey Madaxwaynaha Puntland iyo ku xigeenkisa iyo masuuliin ka tirsan labada gole ee xukuummada,

Wafdiga Ra’iisul Wasaaraha DFS Cumar Cabdirashiid Cali Sharmarke ayaa waxaa loo gudiyey xarunta Madaxtooyada Puntland waxaana la filayaa in ay saxaafada la hadlo saacadaha soo socda.

Ujeedada socdaalka Ra’iisul Wasaaraha DFS Cumar Cabdirashiid Cali Sharmarke ayaan la shaacin ilaa haatan waxaana loo badinayaa in Ra’iisul Wasaaraha DFS Cumar Cabdirashiid Cali Sharmarke uu hordhac u yahay wafdiga Madaxweynaha DFS oo iman doona Puntland.

Puntland ayaa horey u diiday qaadashada nidaamka 4.5 waxaana la wada sugayaa wax ka soo baxa kulanka Ra’iisul Wasaaraha DFS Cumar Cabdirashiid Cali Sharmarke iyo madaxada Puntland.

M_M Deeq
Halgan.net