Taliyaha ciidanka Difaaca Puntland Gen.Siciid Dheere oo lagu soo dhaweeyey Garow.[Masawiro]

Garoowe:-Waxaa maanta oo lagu soo dhaweeyey duleedka bari ee magaalada Garoowe ee caasimada Puntland Taliyaha guud ee ciidanka Puntland Gen.Siciid Maxamed Xirse (Siciid dheere) oo ahaa hogaamiyihii ciidanka Al-shabaab kula dagaalmaya degaan xeebeedyo ka tirsan gobolada Mudug.

Taliyaha guud ee ciidanka Puntland General Siciid Maxamed Xirse (Siciid dheere) ayaa waxaa soo dhaweyntiisa waxaa ka qayb qaatay maamulka gobolka Nugaal, iyo degmada Garowe, Saraakiil ciidan iyo shacabka ku dhaqan magaalada Garoowe.

Duqa magaalada Garoowe Xassan Maxamed Ciise “Goodr” oo qayb ka ahaa soo dhaweynta Taliyaha guud ee ciidanka Puntland General Siciid Maxamed Xirse (Siciid dheere)ayaa waxaa u mahad celiyey Taliyaashii ciidanka ee qaybta ka ahaa dagaalkii lala galay iidanka Al-shabaab waxaan uu mahad balaadhan u jeediyey shacabka Puntland oo taageero hiil iyo hooba u fidiyey ciidanka Puntland.

Dhinac kale Gudoomiyaha gobolka Nugaal Cumar C/laahi Faraweyne oo ka mid ahaa saraakiishii qaybta ka ahaa dagaalkii ka dhacay dhinac gaar ahaan Godobjiiraan una gudbay magaalada xeebta ah ee Garacad oo goobta isagana ka hadlay ayaa xusay in ciidanka Puntland guusha ay ka gaareen Al-shabaab ay horseed ka ahaayeen shacabka Puntland oo gacan weyn siiyey ciidanka.

Gabagabadii soo dhaweynta ayaa Taliyaha guud ee ciidanka Puntland Gen. Siciid Maxamed Xirse (Siciid dheere)oo la hadlay shacabkii iyo masuulyintii soo dhaweeyey uu aad ugu mahad celiyey isagoo ku baaqay in la ilaaliyo midimada guud loona toog hayo dagaalka Al-shabaab.

no images were found

M_M_Deeq
Halgan.net