Dagaal ka soconaya Duleedka Degmada Aadan-yabaal ee Gobolka Shabellaha Dhexe

Muqdisho:-Wararka ka imaanaya Degmada Aadan-yabaal ee Gobolka Shabellaha Dhexe ayaa sheegaya in dagaal uu ka socdo duleedka degmada Aadan-yabaal  dagaalka ayaa u dhexeeya ciidamada Itoobiya iyo kuwa DFS oo wada socda  iyo kooxda Al-Shabaab.

Dagaalka ayaa bilaawday ka dib markii ciidanka Itoobiya iyo kuwa DFS ee ka yimid deegaanka  Muqokori ay soo gaareen duleedka Degmada Aadan-yabaal ee Gobolka Shabellaha Dhexe .

Dad goobjoogayaal ah oo ku sugan Aadan-yabaal ee Gobolka Shabellaha Dhexe ayaa sheegaya in ciidamada Itoobiya ay Madaafiic ku soo rideen Degmada Aadan-yabaal ayna ka cabsi qabaan in gudaha Degmada lagu dagaalamo.

Degmada Aadan-yabaal ee Gobolka Shabellaha Dhexe ayaa waxaa shalay ilaa maanta ka jiray dhiilo colaadeed ka dib markii ciidanka Itoobiya iyo kuwa DFS ay ka soo ruqaansadeen deegaanka  Muqokori.

Ilaa haatan ma jirto cid ka tirsan DFS iyo kooxda Al-Shabaab oo ka hadlay iska horimaadka ka socda duleedka Degmada Aadan-yabaal .

A/Cawale
Halgan.net