Sh Dr Cali Maxamed Saalax oo kulan la qaatay Sheekh Dr Salmaan Bin Fahad Al-Cowda (Masawiro).

Sheekh Dr Cali Maxamed Saalax oo jowlo dacwi ah ku maraya magaalada barakeysan ee Mecca Al-Mukarama ayaa waxaa uu kulan la qaatay Sheekh Dr Dr Salmaan Bin Fahad Al-Cowda oo ka mid ah culumada sida weyn looga yaqaan gudaha iyo dibada dalka Sacuudiga.
Sheekh Dr Salmaan Bin Fahad Al-Cowda ayaa casho sharaf soo dhaweyn ah u sameeyey Sheekh Dr Cali Maxamed Saalax Imaamka Masjidka Al-Tawfiiq ee dalka Norway waxaana uu Sheekh Dr Cali warbixin kooban ka siiyey Sheekh Salmaan Al-Cowda xaalada Muslimiinta norway iyo dacwada guud ahaan.

Sheekh Dr Salmaan Bin Fahad Al-Cowda ayaa aad loogu yaqaan in karamka iyo soo dhaweynta Ducaawada waxaana uu kula dardaarmay ducaada ka soo qeyb gashay Csho sharafta Cabsida alle iyo in la dardar galiyo dacwada si xikmadeysan .

Sheekh Dr Cali Maxamed Saalax iyo Sheekh Salmaan Al-Cowada ayaa waxaa ay ka wada hadleen xaalada dhalinyarada Islaamka iyo sida looga ilaalin karo khataraha ku xeeran gaar ahaan kuwa ku nool Qurbaha .[]

Sheekh Dr Cali Maxamed Saalax ayaa kalimad ka jeediyey goobta isaga oo ugu bishaareeyey culumada in khayr badan uu ka soco Maraakizta Islaamka balse loo baahan yahay in qaab nidaami ah sida Macaahid Sharci ah ama Jaamacaad u baahan yihiin dhalinta ku dhaqan dalalka Reer Galbeedka .

Jawiga iyo kulanka Sheekh Dr Cali Maxamed Saalax iyo Sheekh Dr Salmaan Bin Fahad Al-Cowda iyo culumada kale ayaa ku soo dhamaaday jawi iimaani ah .

Mecca
Halagan