Taliye ku xigeenka Booliska Puntland oo ka waramay dhaqdhaqaaqyo Al-shabaab ka wadaan Koonfurta Mudug.[Dhagayso]

Gaalkacyo:-Taliye ku xigeenka Booliska dowladda Puntland Sareeyo guuto C/qaadir Shire oo la hadlay saxaafadda ayaa waxaa uu sheegay in ay ka feejigan yihiin dhaqdhaqaaqayo la sheegayo in ururka Al-shabaab ay ka wadaan Koonfurta Mudug iyo Gobolka Gal-gaduud. Taliye xigeenka Booliska dowladda Puntland Sareeyo guuto C/qaadir Shire ayaa sheegey inay ka war hayaan dhaqdhaqaaqyadaas ayna u toog hayaan balse hadda aysan jirin ciidan awood leh oo khatar gelin kara aminga deegaanada Puntland waxaase uu ugu baaqay bulshada iyo weliba dowladdu ay si wada jir ah ay uga digtoonaadaan kooxaha ka tirsan Al-shabaab ee doonaya in ay qaraxyo iyo dilal ka fuliyaan deegaanada Puntland.

Dhinac kale Taliye ku xigeenka Booliska dowladda Puntland Sareeyo guuto C/qaadir Shire ayaa ka digay wax dhib ah la yeelo bulshada Soomaaliyeed ee ka soo jeeda Koonfurta Soomaaliya balse ay muhiim tahay in laga digtoonaado kuwa ku dhex dhuumanaya oo doonayo in ay dhib u geystaan shacabka Puntland iyo dowladdiisa.

Hoos ka Dhagayso Taliye xigeenka Booliska dowladda Puntland Sareeyo guuto C/qaadir Shire

Halkaan ka Dhagayso Mp3

M_M_Deeq
Halgan.net