Ciidanka PSF ee Puntland oo gaaray degaanka Cawsane.

Boosaaso:-Ciidanka PSF waxay booqasho ku tageen degaanka Cawsane iyaga oo booqday xarunta maamulka, iyo weliba waaxda caafimaadka iyo dugsiga waxbarashada ee Cawsane,xog wareysi amniga la xiriira oo ay ciidanka PSF la yeesheen odayaasha iyo waxgaradka Cawsane ayaa ku soo dhamaaday si guul leh.

Saraakiisha Ciidanka PSF ayaa ku booriyey bulshada Cawsane in ay ciidamada PSF iyo laamaha kale ee amniga Puntland kala shaqeeyaan adkaynta amniga soona gudbiyaan wixii khatar ku ah degaanka.

Maalmihii la soo dhaafay ayaa qaar ka mid ah saxaafada waxaa ay tabiyeen in deegaanka Cawsane lagu arkay xubno ka tirsan ururka Al-shabaab balse arrinkaas waxaa beeniyey saraakiil ka tirsan ciidanka Puntland.

Ciidamada PSF ayaa bishii la soo dhaafay waxaa ay howlo shaqo ku tageen degmada Carmo ee Gobolka Bari iyo deegano hoostagay deegaanka Xarfo ee Gobolka Mudug,waxayna booqdeen ciidamadu saldhiga degmada iyo Isbitaalka guud ee degmada qaybtiisa hooyada iyo dhallaanka oo ay ciidanka PSF ku wareejiyeen daawooyin iyo agab caafimaad oo kala duwan.

M_M_Deeq
Halgan.net