Xubno Al-Shabaab ah oo xukun dil lagu fuliyey.[Dhagayso]

Muqdisho:-Dawladda Soomaaliya ayaa maanta xukun dil ah ku fulisay saddex nin oo horey loogu helay inay ka tirsan yihiin ururka Al-Shabaab, islamarkaana lagu helay eedo ah inay gaysteen dilal iyo falal argagixiso ah.

Xubnaha la dilay ayaa waxaa ku jiray nin lagu magacaabo Maxamed Xaaji Axmed oo loo yaqaan Macallin Ilkacase, kaasi oo horey u qirtay inuu madax ka ahaa unug Al-Shabaab ah oo dilalka ka fulin jiray Muqdisho.

Maxkamadda Ciidamada Qalabka Sida ee Soomaaliya ayaa ridday xukunka maanta la fuliyey bishii December ee sannadkii aynu soo dhaafnay.

Hoos ka Dhagayso Xasan Kaafi Qoyste ayaa warbixintan nooga soo diray Muqdisho.

VOA