Madaxweynaha Puntland oo kulan la qaatay Nabadoonada iyo Waxgaradka gobolka Nugaal.

Garoowe:-Madaxweynaha Dowladda Puntland Mudane Siciid Cabdullaahi Deni, ayaa maanta kulan la qaatay qaar ka mid ah Nabadoonada iyo Waxgaradka gobolka Nugaal.

Kulanka oo uu Madaxweynaha ku weheliyay Taliyaha Ciidanka Booliska Dowladda Puntland S/guuto Maxamed Cali Xaashi, Guddoomiyaha Gobolka Nugaal Mudane Cawil Mataan iyo Taliyaha qaybta Booliska Gobolka Nugaal G/sare Xusseen Cali Maxamuud, kulanka ayaa ahaa is xogwareysi xaaladda Gobolka iyo guud ahaan Puntland, Iyadoo Nabadoonada iyo Waxgaradka Gobolka Nugaal ay Madaxweynaha iyo xukuumadda uga mahadceliyeen dadaalka Dowladdu ku bixiso nabadeynta Bulshada iyo Shaqooyinka taariikhiga ah ee u qabsoomay Puntland, sida dhismaha Ciidamada, Wadooyinka, dib-u-habeynta maaliyadda iyo hirgelinta dimuqraadiyadda Puntland.

Madaxweynaha ayaa ku boggaadiyay Nabadoonada iyo Waxgaradka doorkooda ka shaqaynta nabadda iyo arrimaha bulshada, isagoo la wadaagay in ay sidoo kale waxgaradku ay kaalintooda ka qaaataan dadaalka Bulsho ee socda ee loogu gurmanayo dadka Abaartu saameysay.

——-DHAMMAAD——
XAFIISKA WARFAAFINTA MADAXTOOYADA DOWLADDA PUNTLAND.