Dagaal ka socda deegaanka Miir-Taqwo ee Gobolka Shabeellaha Dhexe.

Wararka naga soo gaaraya Gobolka Shabeellaha Dhexe ayaa sheegaya in Dagaal u dhaxeeya ciidamada DFS iyo kooxda Al-Shabaab uu  saaka ka socda deegaanka Miir-Taqwo ee Gobolka Shabeellaha Dhexe.

Dagaalka ayaa waxaa uu bilaawday ka dib markii ciidmo ka tirsan DFS ay weerar ku qaadeen deegaanka Miir-Taqwo oo ka mid ah deegaanada la isku yiraahdo Afarta Tuulo halkaas oo ku sugnaayeen ciidamo ka tirsan kooxda Al-Shabaab.

Saraakiil ka tirsan DFS oo la hadlay idaacado ka howlgala magaalada Muqdisho ayaa sheegay in wili dagaal ka socdo deegaanka deegaanka Miir-Taqwo ee Gobolka Shabeellaha Dhexe waxayna guul ka sheegteen dagaalka socda.

Ciidamada DFS iyo kuwa AMISOM ee ku sugan Gobolka Shabeellaha Dhexe  ayaa maalmihii la soo dhaafay waxay howlgalo ka dhan ah kooxda Al-shabaab ka wadeen deegaano ka tirsan gobalka Shabeellaha Dhexe  waxayna ciidanka DFS iyo kuwa AMISOM la wareegeen deegaanada Ceel-Baraf, Caadley, Biyo Cadde  iyo deegaano kale.

A/Cawale
Halgan.net