.gif)
Dagaal ka socda deegaanka Dhinowda oo 30 KM u jirta Degmada Garacad.[Dhagayso]
March 22, 2016 - Written by Editor
Waxaa saaka mar kale dagaal uu ka socdaa deegaabka Dhinowda oo u jirta deegaanka Garacad 30 KM waxaana saraakiisha ciidamada Puntland ay sheegeen in ku ay daba joogaan firxadka kooxda Al Shabaab .
Wariyaal ka howlgala gobalka Mudug oo ku sugan duleedka Degmada Garacad ayaa sheegaya in meydad badan ay daadsan yihiin goobihii lagu dagaalamay waxaana sidoo kale dagaalka shalay iyo maanta laga qabtay Al-Shabaab ilaa 4o maxbuus .
Gudoomiyaha degmada Garacad Cabdinuur Cabdulaahi oo goor dhaw la hadlayay warbaahinta ayaa sheegay in ay ka guuleysteen ciidankii Al-Shabaab khasaaro badana ay gaarsiiyeen firxadkoodiina haatan lagu baacsanayo Dhinowda oo 30 KM u jirta Degmada Garacad.
Gudoomiyaha degmada Garacad ayaa wuxuu balan qaaday in Saxaafadda loo soo bandhigi doono khasaarihii gaaray kooxda Al-Shabaab dhawaan.
Hoos ka Dhagayso Gudoomiyaha degmada Garacad Cabdinuur Cabdulaahi
[audio: http://radiohalgan.net/media/audio/Mp3/Garadcad.mp3]M_M Deeq
Halgan.net
