Ciidamada DFS iyo kuwa AMISOM oo la wareegay magaalada Marka

Marka:Wararka naga soo gaaraya magaalada Marka ee xarunta  gobolka Shabeellaha Hoose ayaa sheegay in ciidamada DFS iyo kuwa AMISOM ay goordhaw la wareegeen magaalada Marka ee xarun ta gobalka Shabeellaha Hoose.

Ciidamada DFS iyo kuwa AMISOM oo wata gawaari badan oo kuwa gaashaaman ah ayaa saaka duulaan ka soo qaaday  deegaanka Number-60 waxaana u suurto gashay in ay si nabad galyo ah ku qabsadaan deegaano badan oo ka tirsan gobalka Shabeellaha Hoose .

Guddoomiyaha gobolka Shabeellaha Hoose C/qaadir Maxamed Nuur oo goordhaweyd la hadlay warbaahinta ayaa sheegay in ciidamada DFS oo taageero ka helaya ciidamada AMISOM ay la wareegeen Degmada Marka oo ay in ka badan 3 sano ay ka talinayeen Ururka Al-shabaab.

Intii aan magaalada Marka aysan qabsan ciidanka AMISOM iyo kuwa DFS ayaa  magaalada Marka waxaa xukun dil ah ku fuliyeen ururka al-shabaab iyaga oo toogtay ilaa 3 qof oo ay ku eedeeyeen in ay ahaayeen jasuusiin .

Ilaa haatan ma jiraan cid ka tirsan Saraakiisha Ururka Al-shabaab oo ka hadlay dagaalada ka dhacay maanta gobolka Shabeellaha Hoose

A/Cawale
Halgan.net