Al-shabaab oo soo bandhigtay aqoonsiyada qaar ka mida Askartii Burundi ee lagu dilay Muqdisho

Muqdisho:-Masuuliyiin ka tirsan Ururka Al-shabaab ayaa saxaafada u soo badhigatay cadeymo iyo  aqoonsiga iyo weliba masawirada qaar ka mid ah Askartii Burundiiska ahayd ee lagu dilay dagaalkii dhex maray  ciidanka Al-shabaab iyo ciidamda Burundi kaas oo ka dhacay Degmada Dayniile :

War saxaafadeed soo gaaray Halgan.net oo lagu xusay in uu  ka soo baxay xafiiska warfaafinta ee xarakada Al-shabaab ayaa lagu sheegay in ururka Al-shabaab uu soo bandhigay aqoonsiga iyo sawirada askarta Burundi ka dib markii codsi badan uu uga yimid Madaxda Al-shabaab qaraabada askarta  Burundi ee lagu dilay dagaalkii ka dhacay Xaafada Deyniile ee magaalada Muqdisho.

no images were found

Dhinaca kale ururka Al-shabaab ayaa u balan qaaday haddii ay jiraan qoysas kale oo reer Burundiis ah oo ka shakisan in Askarta ay ehel ahaayeen dagaalkaas lagu diley ay u banaan tahay in ay iyaga la soo xiriiraan si loogu diro cadaymo muujinya geerida askartaas iyadoo loo raacin doono kaararkoodii dhalashada, Sawiro, iyo warbixino kale oo gaar ah.

A/Cawaale
Halgan.net