Baarlamaanka DFS oo doortay Guddiga doorashada Madaxweynaha

Muqdisho:-Kulan ay maanta isigu yimaadeen xildhibaanada DFS ayaa waxaa lagu doortay Guddiga doorashada madaxweynaha kuwaas oo ka kooban ilaa 16 xildhibaan waxaana kulanka maanta ka soo qeyb galay 204 xidlhibaan .

Kulanka maanta ay isigu yimaadeen Xildhibaanada DFS ayaa waxaa shirgudoominayey guddoomiyaha cusub ee baarlamaanka DFS Prof. Maxamed Sheekh Cismaan Jawaari iyada oo sidoo kale lagu dhaariyey kulankii maanta xildhibaano cusub oo ay soo ogolaadeen gudiga soo xulida xubnaha Baarlamaanka Soomaaliya.

Baarlamaanka DFS ayaa dood iyo falanqeyn ka dib doortay  Guddiga doorashada Madaxweynaha Soomaaliya waxaana loo doortay xildhibaanada soo socda.

Jen. Muuse Xasan Cabdulle
Maxamed Cumar Maxamuud
Ibraahim Saalax Deyfullaah
Axmed Cismaan Ibaahim
Maxamed Sheekh Aadan Hiiraale
Daahir Amiin Jeesoow
Axmed Aadan Cabdiraxmaan
Cismaan Maxamed Cabdi (Daallo)
Axmed Aadan Axmed
Cismaan Libaax Ibraahim
Aweys Cabdullaahi Ibraahim
Khadiijo Maxamed Diiriye
Maryan Cariif Qaasim
Saynab Maxamed Caamir
Sacdiyo Careys Ciise
Muumino Sheekh Cumar

Guddigan ayaa markii la doortay waxaa ansaxiyey inta badan xildhibaanadii kulanka ka soo qeyb galay maanta kuwaas oo gaarayey 204 xildhibaan ,gudiga ayaa go,aan ka gaari doona xiliga la qabanayo doorashada madaxweynaha cusub ee Soomaaliya iyada oo loo badinayo in ay dhacdo 10 bari ka dib.

A/Cawale
Halgan.net