Culimada Nairobi oo la kulmay ardayda wax ka barata Iskuulada xaafadda Islii

Nairobi:-Waxaa maanta magaalada Nairobi gaar ahaan xaafadda ay dagto Somalida, lagu qabtay kulan ay soo abaabuleen dhalayar ducaad ah kulankaan oo ahaa kulankii sadaxaad ay ka soo qeeb galeen ardeyda ka kala timid schoolada xaafada islii ku yaala.
Kulankani waxaa uu ka dhacay Masjidka weyn ee lagu magacaabo Al-Hidaaya, waxaana lagu casuumay schoolka ATLAS COLLEGE waa school weyn oo ay dhigtaan ardey farabadan.

Kulanka maanta, ayaa daba socday kullamo horey ay ardadu u soo qaban qaabiyeen, waxaana ardada la hadlay Sh. Faarax Maxamuud Jeenihaar, isagoona ardada u jeediyey kalmad wacdi ah oo ku saabsan diinta Islaamka.

Intaas kaddib ardada ayaa Sheekha waxay weydiiyeen su’aalo, isagoona uga jawaabay, waxaana uu kulanku ku soo idlaaday sidii loo qorsheeyey.
Waxaa lagu ballamay in la sii wado kullamada noocaan oo kale ah, waxaana kulanka ka soo qeyb galay maamulaha guud ee ATLAS COLLEGE Maxamed Ibraahim.

Yaasiin Cabdi Ahmed
Nairobi