Dowro diini ah oo caawa ka bilaabatay Masjidka Madiina ee magaalada Burco (Daawo+Masawiro)

Burco:-Magaalada Burco ayaa waxaa caawa ka bilaawday dowro diini ah oo loo qabtay ardayda dhigta iskuulada magaalada Burco waxaana dowarada lagu qabtay Masjidka Madiina.Dowradan ayaa waxaa ay socon doontaa 10 casho waxaana ka qeyb gali doona culumo si weyn looga yaqaan Soomaaliya oo uu ugu horeeyo Fadiilat Alwaalid Sheekh Cali Warsame Xasan xafidahulaah.

Dowrada ka bilaabatay magaalada Burco ayaa waxaa loogi magac daray (dowrat Sheekh Maxamed Cabdi Wahaab) Raximahulaah oo ka mid ah culumada sida weyn u faafisay Manhajka Salafu Saalax.

Waxaa dowrada markii hore lagu soo dhaweeyey Fadiilat Alwaalid Sheekh Cali Warsame xafidahulaah oo ka mid ah culumada Soomaaliyeed waxaana sidoo kale dowrada ka qeyb qaadan doona ardayda Jaamaca Islaamiya ee Madiina Munawara oo haatan socdaal dacwo ku yimid magaalada Burco.waxaa sidoo kale inta dowadan socoto ka qeyb qaadan doona culumo iyo Dakaatiro wax ka dhiga Jaamacaha dalka Sacuudi carabiya.

Waxaa dowrada ku furay aayado Qu,aan ah Imaamka Masjidka Madiina Sheekh Jabriil Xaaji Saciid intaas ka dib ayaa waxaa lagu soo dhaweeyey makarafoonka Sheekh Cali Warsame

no images were found

Fadiilat Alwaalid Sheekh Cali Warsame Xasan xafidahulaah.ayaa ka hadlay cilmiga iyo ahmiyada uu leeyahay wuxuuna ku baraarujiyey dhalinyarada iyo ardayda iyo dhamaan dadweynihii soo camiray Masjidka Madiina in ay ku dadaalaan barashada cilmiga sharciga isaga oo sidoo kale u dardaarmay alle ka cabsi.

Sheekh Cali Warsame Xasan  ayaa waxaa uu si kooban uga hadlay ahmiyada ay leedahay dowraadka ay culumada ku qabtaan dalka waxaana ugu horeeya barashada cilmiga iyo in wanaaga lagu dadaalo xumaantana laga fogaado.

Waxaa sidoo kale dowarada waxaa ka hadalay Sheekh Feysal Cali Faarax waxaana uu tacliiq kooban ka bixiyey barashada cilmiga sharciga iyo ilaalinta wakhtiga qofka muslinka.Sheekh Feysal Cali Faarax ayaa ku waaniyey Dhalinyarada in ay ka fogaadaan waxyaabaha maalaayacniga ah oo ay gaaladu ku mashquulisay dhalinta Muslinka ah .

Waxaa sidoo kale dowarada caawa lagu qabtay magaalada Burco wacdi kooban ka jeediyey Sheekh Xasan Sheekh Cali Warsame Xasan waxaana uu ka hadlay fadliga barashada cilmiga Sharciga iyo sida alle uu u kala sareysiiyey ahlu cilmiga iyo kuwa aan waxba aqoon.

Hoos ka Daawo Furitaanka Dowro diini ah oo caawa ka bilaabatay magaalada Burco gaar ahaan Masjidka Madiina.

Halgan.net ayaa idiin soo gudbin doonta muxaadaraadka ay culumada ka jeediyaan dowro diini ah ee caawa ka bilaabatay Burco inshalaah.

Halgan.net
Burco