Howl galo ay ciidanka DFS iyo kuwa AMISOM ka sameeyeen magaalada Muqdisho

Muqdisho:-Ciidamo ka tirsan DFS iyo kuwa AMISOM ayaa waxaa ay saaka ka bilaabeen howl galo qaar ka mid ah xaafadaha magaalada Muqdisho iyagoo qab qabtay dhalin yaro badan , Ciidanka DFS oo ay gacan sinayaan kuwa AMISOM ayaa guryaha ka baarayey hub iyo walxaha qarxa iyagoo isla markaan si gooni u bartilmaamsanayey guryaha qaarkood.

Goobaha ay ciidan DFS iyo kuwa AMISOM baaritaanka ka sameeyeen ayaa waxaa ka mid ah Degmada Wardhiigley oo hadda loo bixiyey Warta Nabad , ciidanka ayaa qabtay dhalin yaro ay ku eedeeyeen in ay amaan daro ka wadaa magaalada Muqdisho iyo in ay xiriir la lee yihiin ururka Al-shabaab ee dagaalka kula jira ciidanka Dowllada Federaalka Soomaaliya iyo kuwa AMISOM.

Howl galka ay ciidanka DFS iyo kuwa AMISOM ay saaka bilaabeen magaalada Muqdisho ayaa ah howl galo in mudo ah ay soo wadeen ciidanku ayna sheegeen in ay doonayaa in ay ku sugayaan amaanka magaalada Muqdisho si ay uga hortagaan weeraro kaga imaanaya dhinac ururka Al-shabaab.

A/cawaale
Halgan.net