Madaxweynaha Puntland oo la kulmay Madaxweynaha dalka Kenya Uhuru Kenyata

Nairobi:-Madaxweynaha Puntland C/raxmaan Faroole ayaa kulan la qaatay maanta Madaxweynaha dalka Kenya Uhuru Kenyata waxaana kulankooda ay uga hadleen arimaha Soomaaliya iyo Puntland.

Kulanka Madaxweynaha Puntland la qaatay Madaxweynaha dalka Kenya Uhuru Kenyata ayaa waxaa goobjoog ka ahaa wasiirkii hore ee G/dhiga DFS Prof. Maxamad Cabdi Maxamad ( Gandi) ,Ra’isal wasaarahii hore ee Soomaaliya Dr.Cumar Cabdirashiid iyo Wasiirada arrimaha dibada Kenya Aamina Jibriil .

Madaxweynaha Puntland ayaa Madaxweynaha Kenya waxaa uu warbixin kooban ka siiyey madaxweynaha Kenya xaalada Soomaaliya gaar ahaan Dastuurka cusub ee Somalia, iyo arimaha Maamulka J/land oo khilaaf xoogan ka dhex abuurtay madaxda DFS iyo Maamulka Jubbaland state. .

Madaxweynaha Kenya Uhuru Kenyta  ayaa amaan u soo jeediyey Maamulka Puntland wuxuuna ku amaanay sida ay qeyb libaax uga qaadatay dhismaha DFS.

Uhuru Kenyta  Madaxweynaha Kenya ayaa dhankiisa ka warbixiyey aragtida dowlada Kenya ay ka qabto Soomaaliya iyo howlgalada ciidanka Kenya ay ka wadaan gobalada Jubooyinka iyo Gedo .

C/Casiis Maxamed
Halgan.net