Madaxweynayaasha Puntlland iyo Jubballand oo ku kulmay magaalada Nairobi

Nairobi:-Waxaa maanta shir ku yeeshay magaalada Nairobi ee caasimada dalka Kenya madaxweynaha dowllada Puntlland Dr C/raxmaan Maxamed Faroole iyo madaxweynaha Jubbaland Sh.Axmed Maxamed Islaan Axmed Madoobe.Kulanka ayaa waxaa uu saaka ka dhacay Hotel uu magaalada Nairobi ka degan yahay Madaxweynaha Puntlland Dr.Cabdiraxmaan Faroole.

Kulanka maanta ayaa ahaa mid is waraysi ah waxaan goob joog ka ahaa Wasiirka Arrimaha Gudaha Puntland Gen. Cabdullahi Axmed Jamac (Ilkajir), Rai’sul Wasaarihii hore ee Soomaaliya Dr Cumar Cabdirashid Cali Sharmake, Wasiirkii hore ee Gaashaan dhigga Dowladda Federaalka Soomaaliya Prof. Maxamad Cabdi Gaandi, Gudoomiyaha Ururka Ahlu Sunna Wal Jameeca Shiikh Maxamad Maxamud Yusuf (Aw Libaax).

Kulanka maanta dhexmaray Madaxweynaha Puntlland Dr Cabdiraxmaan faroole  iyo Madaxweynaha Jubballand Sh Axmed Maxamed islaan Axmed Madoobe ayaa ku soo beeg maya xil xalay ay kulan gaar ah uu dhexmaray Madaxweynaha Dowllada Federaalka Soomaaliya Xasan Sheekh Maxamuud iyo Madaxweynaha Puntlland  Dr C/raxmaan Faroole walow aan ilaa hadda la aqoon wixii ka soo baxay.

C/casiis Maxamed
Nairobi,Halgan.net