Sarkaal maanta lagu dhaawacay magaalada Kismaayo

Wararka naga soo gaaray magaalada Kismaayo  ayaa sheegay in gudoomiye ku xigeenkii hore ee maamulkii ku meel gaarka Kismaayo Yaasiin Nuur Gaas (Yaasiin Raadeer) ay dhaawaceen maleeshiyaad ka soo jeeda gobolka Gedo oo ay isbaaro u taalay  jidka aada dekkada Kismaayo. Gudoomiye ku xigeenkii hore ee maamulkii ku meel gaarka Yaasiin Nuur Gaas (Yaasiin Raadeer) oo isku dayey in uu la hadlo maleeshiyaadka  isbaarada dhigtay ayaa waxaa ay xabad ku fureen Sarkaalka , xabad ayaa ka haleeshay madaxa waxaan loola cararay Isbitaalka ay Kismaayo ku leeyihiin  ciidanka AMISOM.

Maleeshiyaadka  dhawaacay Gudoomiye ku xigeenkii hore ee maamulkii ku meelgaarka Yaasiin Nuur Gaas (Yaasiin Raadeer) ayaa waxaa hor jooge u ah Bashiir Quuto. Odayaasha magaalada Kismaayo ayaa wada in ay xaaalada dejiyaan iyagoo xiriir la sameeyey madaxda maamulka Jubbaland  iyo maleeshiyaadka dhaawaca u geystay  Yaasiin Raadeer.

Dhinac kale qarax miino oo ah kan dhulka lagu aaso ayaa maanta waxaa lala eegtay ciidamo ka tirsan kuwa AMISOM, Qaraxa ayaa waxaa uu ka dhacay xaafada Via Afmadow , ilaa hadda lama yaqaan khasaarah dhabta ah ee soo gaaray ciidanka AMISOM.

Cabdi Yare
Kismaayo