Arday gaaraysa 82 oo tafsiirka qur’aanka dhamaystay oo abaal marino la gudoonsiiyey.[Masawiro]

Boosaaso:-Habeenimadii  Jimca ahayd waxaa ka dhacay Masjidka Ramadan Xaflad si weyn loo soo agaasimay Xafladaas oo lagu maamuusayey Khatimka Tafsiirka Qur’aanka ee ka socday Masjidkaas ee magaalada Boosaaso ee xarunta Gobolka Bari Xafladaan oo ay soo  Agaasintay Mu’asasada Al-Minhaaj Faraca Bari ayaa waxaa shahaadooyin iyo abaal marino lagu gudoon siinayey arday dhamaysatay Tafsiirka qur’aanka kariimka ka ah ee uu akhriyo Sh.C/rahman Bukhari .

Tafsiirka qur’aanka oo sanad walba lagu khatimo masjidka Ramadaan ayaa sanadkaan waxaa ku taxnaa arday gaaraysa 82 arday , waxaana ku guulay stay in lasiiyo ijaazo 8 arday. Munaasabada lagu Maamusayey Khatimka Quraanka ayaa waxaa Xafladaas waxaa ka soo qayb galay culimaa udiinka ,ganacsato ,madaxda dhaqanka, maamulka mu’asasada alminhaaj iyo dadweyne aad u fara badan.

Xaflada oo ku bilaabatay Jawi degan ayaa lagu furfurtay Aayado ka mid ah Qur’aanka ka dibna waxaa toos loo guda galay Qaybihii kala duwana ee Xafladu ka koobnayd .

Sh. C/raxmaan Maxamed Bukhaari oo kalmad ka soo jeediyey munaasabada ayaa kasheekeeyey mudada uu kawaday masjidka tasfiirkaan qur’aanka iyo in dufco oo ka aflaxay tafsiirka. Shekh c/raxman bukhari oo hadalkiisa sii wata ayaa dardaaran qiimo badan u jeediyey ardayda iyo bulshadaba.

Sh. Mowliid Mataan Axmed mataan oo kamid ah culimadii goobta ka hadashay ayaa aad ubogaadiyey qaabka Tafsiirka qur’aan uu u akhriyo  shekh c/raxmaan  isago tilmaamay in uu yahay qaab aad wax tar u ah kuna soo bixi karto culimo loona baahanyahay in laga hirgaliyo magaalooyinka kale.

Xaflada oo aad u dheeratay ayaa waxaa ka hadlo isugu jira :dhiiri galin, boogaadin iyo dardaaran k asoo jeediyey madaxda ka socotay shirkadaha Golis, Somtel, Salama Bank , gudoonka rugta ganacsiga nabadoon c/qaadir xarago iyo masuuliyiinkale . Gabagabadii munasabada ayaa waxaa soo xiray gudomiya Mu’asasada Alminhaaj faraca bari  Xassan c/laahi Sh.Xassan . Ugu Danbayntii xaflada waxaa loo qaybiyey iyo abaalmarino kala duwan ardaydii ku xirnayd Tafsiirka Qur’aanka ee Sheekh C/raxaman Bukhaari.

no images were found

Mu’assadda Al-minhaaj
Boosaaso,Halgan.net